Byrjunarlið Burnley og Fulham: Skorar Jói Berg í þriðja leiknum í röð?

Það er Íslendingakvöld í ensku úrvalsdeildinni sem hefst með leik Burnley og Fulham klukkan 18:00. Leikurinn er í beinni útsendingu á Síminn Sport.

Ben Mee, fyrirliði Burnley, er ekki með í kvöld en hann fékk höfuðhögg í sigrinum gegn Crystal Palace.

Jóhann Berg Guðmundsson skoraði eitt af mörkum Burnley í þeim leik en ef hann skorar í kvöld verður það þriðji leikurinn í röð sem hann er á markaskónum. Hann er í byrjunarliðinu.

Charlie Taylor snýr til baka úr meiðslum.

Aleksandar Mitrovic, sóknarmaður Fulham, er í einangrun eftir að hafa smitast af Covid-19. Tom Cairney og Terence Kongolo eru enn fjarri góðu gamni vegna meiðsla.

Fulham er með óbreytt lið frá sigri gegn Everton á sunnudagskvöld.

Burnley er í sextánda sæti en Fulham er í fallsæti og þarf nauðsynlega á sigri að halda.