Milinkovic-Savic ætlar að gefa Lazio tækifæri

Hann á tvö ár eftir af samningi sínum við Lazio en vill ekki hefja viðræður við félagið fyrr en það styrkir sig með betri leikmönnum og nær Meistaradeildarsæti.

Það eru ýmis félög sem hafa áhuga á Milinkovic-Savic en hann fer líklega ekkert í sumar þar sem verðmiðinn á honum nemur rúmlega 70 milljónum evra. Hann gæti orðið talsvert ódýrari á næsta ári ef Lazio mistekst aftur að lenda í topp fjórum.

„Ég er ekki viss um að Sergej fari í sumar, þetta eru langt frá því að vera auðveld félagaskipti. En ef það gerist þá er ég viss að hann muni skrifa undir hjá útlendu félagi," sagði Maurizio Sarri, forseti Lazio.

Savic var einnig spurður út í framtíðina og sagðist ekki gefa orðrómum neinn gaum.

„Ég er einbeittur að Lazio. Við þurfum aðeins að styrkja leikmannahópinn til að geta barist um Meistaradeildarsæti."

Savic hefur skorað 58 mörk í 293 leikjum á sjö árum hjá Lazio.

Lazio er í fimmta sæti ítölsku deildarinnar fyrir lokaumferðina og búið að tryggja sér Evrópudeildarsæti. Liðið er sjö stigum frá Meistaradeildinni.