Katla María Þórðardóttir tvöfaldaði markafjölda sinn í efstu deild þegar hún skoraði tvö mörk í 3-1 sigri Selfoss gegn Tindastóli. Hún skoraði jöfnunarmarkið í leiknum í raun með fyrirgjöf og svo skoraði hún þriðja mark Selfoss upp úr óbeinni aukaspyrnu.
Lestu um leikinn: Selfoss 3 - 1 Tindastóll
Áður en Katla skoraði fékk hún að líta gula spjaldið í leiknum fyrir tæklingu á 24. mínútu. Fyrrum formaður Tindastóls, Rúnar Rúnarsson, veltir fyrir sér hvort að Katla hefði átt að líta rauða spjaldið fyrir tæklinguna og birtir myndskeið sem sjá má hér að neðan. Ansi gróft brot.
„Katla María fer í mjög harkalega tæklingu á Maríu Dögg og fær gult spjald að launum," skrifaði Kári Snorrason sem textalýsti leiknum.
Katla er 22 ára og gekk í raðir Selfoss frá Fylki eftir tímabilið 2021. Hún skoraði sitt fyrsta mark í efstu deild 2021 og annað markið á síðasta tímabili.
Í hvaða heimi er þetta ekki rautt spjald ? @footballiceland @Fotboltinet pic.twitter.com/3dEtZeZupL
— Rúnar Rúnarsson (@runarsson7) May 16, 2023
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
