Spánn: Granada nýtti sér liðsmuninn í kjölfar heimskupara Jordan

Granada vann 1-0 heimasigur á Sevilla í spænsku La Liga í dag. Bæði lið voru með sjö stig fyrir leikinn, Sevilla hafði þó einungis leikið þrjá leiki.

Staðan var jöfn allt fram að 82. mínútu þegar Yangel Herrera skoraði eina mark leiksins. Dimitri Floquier átti fyrirgjöf inn á teig gestana sem Herrera skallaði í netið.

Í uppbótartíma fyrri hálfleiks gerði Joan Jordan sig sekann um mikil mistök. Á þriðju mínútu uppbótartímans fékk hann að líta gula spjaldið og mínútu seinna fékk hann sitt annað gula spjald. Það seinna var fyrir að sparka í mótherja sem var að hlaupa framhjá.

Myndband af brotum Jordan má sjá hér.