Argentínumaðurinn Enzo Fernandez jafnaði metin fyrir Chelsea gegn Liverpool á Anfield með glæsilegri aukaspyrnu undir lok fyrri hálfleiksins.
Ryan Gravenberch kom Liverpool yfir snemma leiks með frábæru skoti fyrir utan teig en Enzo jafnaði metin hálftíma síðar með sérstöku aukaspyrnumarki.
Chelsea fékk aukaspyrnu hægra megin við teiginn sem virtist vera sending inn á teiginn, en boltinn fór í gegnum allan pakkann og í fjærhornið.
Giorgi Mamardashvili stóð hreyfingarlaus á línunni á meðan hann sá nokkra leikmenn missa af boltanum áður en hann hafnaði í netinu, en markið má sjá hér fyrir neðan.
Sjáðu markið hér
Staðan er 1-1 og hefur Chelsea verið töluvert sterkari aðilinn í leiknum.
