Austurríski landsliðsmaðurinn Xaver Schlager og Ungverjinn Willi Orban skoruðu mörk Leipzig-manna sitt hvoru megin við hálfleikinn.

Aboudlie Ceesay minnkaði muninn á lokamínútunum en St. Pauli komst ekki nær en það. Leipzig er í 3. sæti með 65 og Meistaradeildarsætið í höfn, en St. Pauli er í næst neðsta sæti með 26 stig og mun alltaf enda meðal þriggja neðstu, en spurningin er hvort liðið nái að koma sér í umspilsleikinn eða ekki. Wolfsburg situr í umspilssætinu og getur nánast tryggt það sæti með sigri á Bayern á eftir.

Stuttgart vann Bayer Leverkusen, 3-1, í baráttu um 4. sætið.

Stuttgart fékk blauta tusku í andltið eftir tæpa mínútu en svaraði því vel með þremur mörkum.

Ermedin Demirovic jafnaði á 5. mínútu og þá kom Max Mittelstadt liðinu yfir með marki úr vítaspyrnu undir lok hálfleiksins. Deniz Unvav, einn af bestu mönnum Stuttgart á tímabilinu, gerði út um leikinn snemma í þeim síðari.

Stuttgart er í 4. sæti með 61 stig fyrir lokaumferðina, þremur stigum meira en Leverkusen sem er í 6. sæti.

Hoffenheim er enn inn í baráttunni um Meistaradeildarsætið eftir 1-0 sigur liðsins á Werder Bremen.

Bremen spilaði manni færri frá fimmtu mínútu eftir að japanski leikmaðurinn Yukinari Sugawara sá rautt spjald.

Bazoumana Toure, einn eftirsóttasti leikmaður deildarinnar, gerði sigurmarkið tuttugu mínútum eftir rauða spjaldið og hélt pressunni áfram á Stuttgart.

Hoffenheim er með jafnmörg stig og Stuttgart, en Hoffenheim mun spila við Gladbach í lokaumferðinni á meðan Stuttgart heimsækir Eintracht Frankfurt.

Úrslit og markaskorarar:

RB Leipzig 2 - 1 St. Pauli
1-0 Xaver Schlager ('45 )
2-0 Willi Orban ('55 )
2-1 Abdoulie Ceesay ('86 )

Augsburg 3 - 1 Borussia M.
1-0 Michael Gregoritsch ('24 )
2-0 Robin Fellhauer ('42 )
3-0 Michael Gregoritsch ('72 )
3-1 Giovanni Reyna ('90 )

Stuttgart 3 - 1 Bayer
0-1 Aleix Garcia ('1 )
1-1 Ermedin Demirovic ('5 )
2-1 Maximilian Mittelstadt ('45 , víti)
3-1 Deniz Undav ('58 )

Hoffenheim 1 - 0 Werder
1-0 Bazoumana Toure ('26 )
Rautt spjald: Yukinari Sugawara, Werder ('5)