„Það er rosalega auðvelt að benda á að við eigum að fá þrjár vítaspyrnur í leiknum og þá náttúrulega breytist leikurinn mikið. Mér fannst við bara spila illa í dag," sagði svekktur Úlfur Arnar, þjálfari Fjölnis.
Lestu um leikinn: Fjölnir 1 - 2 Vestri
„Það er rétt metið hjá þér, við viljum stjórna leiknum, mér fannst við ekki ná að gera það nægilega vel og bara á fyrstu mínútunum fékk maður einhverja ónotatilfinningu með þennan leik. Mér fannst við einhvernvegin ekki alveg vera upp á okkar besta," sagði Úlfur.
„Dómararnir gera alltaf sitt besta, en mér finnst ótrúlegt að hann sjái ekki til dæmis vítaspyrnudóminn þar sem hann fer í tæklingu, einhver Vestramaðurinn, hann liggur og setur hendina upp fyrir búkinn á sér og við spörkum yfir búkinn á honum og beint í hendina á honum. Aðstoðardómarinn sagði að hann hafi verið í snóker og ekki séð það og Einar dómari sagði að hann hafi ekki séð það nægilega vel og hann þarf að vera 100%. Ég skil það bara vel. Ég er ekki að klína þessu á þá," sagði Úlfur að lokum.
