Táningurinn Warren Zaïre-Emery varð í dag yngsti leikmaður í sögu franska landsliðsins þegar hann var í byrjunarliðinu gegn Gíbraltar.
Staðan er 7-0 fyrir Frakkland þegar nokkrar mínútur eru eftir af fyrri hálfleik, en það tók Zaire-Emery aðeins 16 mínútur að skora í frumraun sinni. Hann er því að sjálfsögðu yngsti markaskorari í sögu Frakklands.
Þessi 17 ára miðjumaður skoraði þriðja mark Frakka eftir að hafa unnið boltann á miðjunni, en meiddist í leiðinni og þurfti að vera skipt af velli. Ethan Santos, leikmaður Gíbraltar, tæklaði Zaire-Emery illa innan vítateigs og fékk beint rautt spjald að launum eftir athugun í VAR-herberginu.
Kylian Mbappé og Kingsley Coman eru meðal markaskorara Frakka þegar 42 mínútur eru liðnar af fyrri hálfleik.
Sjáðu atvikið
Athugasemdir
