Andy Robertson í baráttunni í leiknum í kvöld
Skotar komu sér á heimsmeistaramótið í kvöld eftir ótrúlegan 4-2 sigur á Dönum á Hampden Park, en Andy Robertson, fyrirliði Skota, segir þetta vera besta kvöld lífs hans.
Leikurinn bauð upp á allt. Draumamörk, rautt spjald og rafmagnaða spennu.
Á lokamínútunum var staðan jöfn og Danir á leið á HM, en stórbrotin mörk frá Kieran Tierney og Kenny McLean sendu Skota á þeirra fyrsta heimsmeistaramót í 28 ár.
„Þetta lýsir þessum hópi best. Við deyjum aldrei og höldum áfram fram að síðustu mínútu, og það í einum klikkaðasta leik sem ég hef spilað.“
„Við trekktum taugar samlanda okkar, en ég er viss um að það hafi verið þess virði. Við erum á leið á HM!“
„Ég hef falið þetta vel en ég hef verið í molum í allan dag. Ég veit hvað ég er gamall og vissi að þetta gæti verið síðasta tækifærið til að komast á HM. Ég gat ekki komið vini mínum, Diogo Jota, úr hausnum á mér. Við töluðum oft og mörgum sinnum um að fara á HM. Ég veit að hann brosir yfir mér í dag. Ég er svo ánægður að þetta fór svona.“
„Þessi leikmannahópur og þetta teymi er það besta sem ég hef unnið með. Ræða þjálfarans fyrir leikinn var ótrúleg. Hann hefur farið í gegnum stóru augnablikin sem við höfum upplifað. Hann man ekki eftir því að hafa komist á EM en við vorum í skýjunum. Hann sagði okkur að endurtaka leikinn.“
„Við vorum mjög tilfinninganæmir. Að gera þetta fyrir hann, starfsliðið og fjölskyldur okkar. Þetta er eitt besta kvöld lífs míns,“ sagði Robertson.
Athugasemdir
