Ítalía: Torino vann sex stiga leik gegn Cagliari

Það er eitthvað byrjað að ganga hjá liði Torino sem hefur verið í miklu veseni í Serie A á þessu tímabili.

Torino var lengi vel í fallsæti en vann gríðarlega mikilvægan sigur á Cagliari á útivelli í kvöld.

Aðeins tvö lið skildu þessi lið að í 17. og 18. sæti deildarinnar og gat Cagliari sent Torino í fallsæti með sigri.

Brasilíumaðurinn Bremer gerði hins vegar eina mark leiksins fyrir Torino sem er nú fimm stigum frá fallsæti.

Stigin eru að koma hægt og rólega en liðið hefur gert fjögur jafntefli í síðustu fimm leikjum sínum.