Tottenham er í stjóraleit eftir að félagið ákvað að reka Antonio Conte fyrir nokkrum vikum síðan. Ryan Mason hefur stýrt liðinu til bráðabirgða en svo mun væntanlega koma inn nýr stjóri í sumar.

Slot er núna líklegastur til að taka við en hann hefur gert mjög flotta hluti með Feyenoord. Liðið er búið að tryggja sér sigur í hollensku úrvalsdeildinni í ár.

Feyenoord vill halda í Slot og er tilbúið að tvöfalda launatékka hans, en félagið óttast að missa hann til Spurs.

Slot var orðaður við Leeds fyrr á þessu tímabili en hafnaði því tækifæri.