KA 0 - 1 Breiðablik
0-1 Aron Bjarnason ('13)
0-1 Aron Bjarnason ('13)
Lestu um leikinn: KA 0 - 1 Breiðablik
KA tók á móti Breiðabliki í fyrri leik dagsins af tveimur í Bestu deild karla og byrjuðu Íslandsmeistararnir betur.
Aron Bjarnason tók forystuna á 13. mínútu eftir góðan undirbúning frá Höskuldi Gunnlaugssyni og var staðan 0-1 eftir bragðdaufan fyrri hálfleik, þar sem Blikar héldu boltanum vel innan liðsins en fundu ekki glufur á varnarleik Akureyringa.
Viðar Örn Kjartansson fékk dauðafæri til að jafna metin í upphafi síðari hálfleiks en lét Anton Ara Einarsson verja frá sér. Eftir það var lítið að frétta fyrr en á lokamínútunum þegar KA-menn lögðu alla sína orku í að leita að jöfnunarmarki.
Anton Ari varði þó skallatilraun áður en Tobias Thomsen bjargaði á marklínu eftir hornspyrnu til að halda hreinu fyrir gestina úr Kópavogi. Lokatölur 0-1 eftir tíðindalítinn leik.
Þetta eru dýrmæt stig fyrir Blika sem tekst með þessu að jafna spútnik lið Vestra á toppi deildarinnar. Liðin deila toppsætinu með 13 stig eftir 6 umferðir.
Athugasemdir
