Fótbolti.net

Elmar Kári: Búinn að bíða eftir þessu

Maggi: Sýnir trúna sem við erum með

Vuk: Er kannski nær markinu og með meira sjálfstraust

Jón Þór: Stóru vandamálin liggja ekki þar

Rúnar: Hefur fengið að blómstra í þessu hlutverki

Heimir: Þá fer þetta að verða eins og umræðan var árið 2022

Elmar Atli: Maður var búinn að bíða eftir þessu

Auður: Gaman að ná að vinna Þrótt sem voru taplausar í deildinni

Haddi: Gjörsamlega óþolandi hvað sumir mega öskra inn á völlinn

Óli Kristjáns: Ábyrgðin á mér og stelpunum

„Við komumst út úr þessu það er klárt mál"

Davíð Smári: Skjaldarmerki þess sem Vestri stendur fyrir

Óskar Smári: Ótrúlega stoltur af liðinu mínu í dag

Murielle Tiernan: Eina sem þú þarft að gera er að setja hann inn

Gummi Kri: Er það ekki svoleiðis sem við viljum hafa þetta?

Tufa um rauða spjaldið: Okkur á bekknum fannst hann hlaupa á Bjarna og henda sér niður

Jökull: Hefði viljað sjá okkur vera meira 'ruthless' í byrjun leiks

Alli Jói: Er svekktur með sjálfan mig

Haraldur: Kemur auka orka þegar við missum mann af velli

Gunnar Heiðar: Eins og við þyrftum að fá mark í andlitið til þess að allir kveiki á sér

mán 20. maí 2024 17:35

Guðmundur Aðalsteinn Ásgeirsson
Laugardalnum

Arnar: Einn sá besti en De Bruyne og Foden spila ekki alla leiki

Arnar Gunnlaugsson.

Mynd: Fótbolti.net - Hafliði Breiðfjörð

Víkingar unnu 1-4 og Danijel gerði tvö mörk.

Mynd: Fótbolti.net - Hafliði Breiðfjörð

Arnar Gunnlaugsson, þjálfari Víkinga, sneri aftur á hliðarlínuna þegar hans menn unnu 1-4 sigur gegn Vestra í Bestu deildinni í dag. Arnar var í banni í síðasta leik gegn FH en sneri aftur í dag.

„Það var mjög gaman. Ég lofaði mömmu að ég ætlaði að haga mér vel. Vonandi gerði ég það," sagði Arnar léttur eftir leikinn. „Svo er ég ánægður með 1-4 á útivelli. Það er alltaf hrikalega öflugt. Ég er mjög ánægður."

Lestu um leikinn: Vestri 1 - 4 Víkingur R.

Leikurinn í dag var býsna flottur hjá Víkingum heilt yfir. „Mér fannst það," sagði Arnar.

„Ef ég á að kvarta yfir einhverju þá fannst mér við ekki nægilega vægðarlausir. Við vorum komnir í ansi margar góðar stöður til að gera fleiri mörk, en við ákváðum að vera full værukærir þegar við fengum þær stöður. En að vinna 1-4 á útivelli, það er erfitt að kvarta yfir því."

Danijel Dejan Djuric kom aftur inn í lið Víkings eftir að hafa byrjað síðasta deildarleik gegn FH á bekknum. Hann kom ekkert við sögu í þeim leik en skoraði tvö í dag.

„Hann var verulega fúll með það strákurinn (að vera á bekknum gegn FH). En í staðinn fyrir að væla og skæla... hann æfir alltaf mjög vel og þetta var engin refsing. Við erum bara með mjög sterkan hóp og liðið sem spilaði gegn FH spilaði mjög vel og landaði góðum sigri. Svo kom hann aftur inn gegn Grindavík og stóð sig mjög vel þar."

„Hann er einn af markahæstu leikmönnum deildarinnar og að mínu mati búinn að vera einn sá besti í deildinni. En Kevin de Bruyne og Phil Foden spila ekki alla leiki. Það virkar ekki þannig. Stundum þarf hann að hvíla."

Breiddin hjá Víkingum er afar sterk. „Svo var Pablo á bekknum í dag. Það eru aðrir að stíga upp. Þetta er uppskriftin sem við ákváðum til að vera í möguleika á að vinna báða titla og standa okkur vel í Evrópu. Að mínu mati er þetta eina leiðin."

Hægt er að sjá allt viðtalið í spilaranum hér að ofan þar sem Arnar ræðir meira um leikinn í dag og margt fleira.