Chelsea er komið 1-0 yfir gegn Arsenal á Stamford Bridge. Jorginho skoraði markið úr vítaspyrnu.
Staðan var 0-0 á 25. mínútu, en þá, allt í einu, gerði Shkodran Mustafi sig sekan um slæm mistök í vörn Arsenal. Alls ekki í fyrsta sinn sem það gerist.
Hann sendi hræðilega sendingu til baka sem Tammy Abraham, sóknarmaður Chelsea, komst inn í. Abraham fór fram hjá Bernd Leno, markverði Arsenal, og átti bara eftir að setja boltann í netið þegar David Luiz braut á honum.
Luiz, sem var að spila á sínum gamla heimavelli, fékk beint rautt spjald fyrir vikið. Hérna má sjá atvikið.
Jorginho fór á vítapunktinn og hann skoraði fram hjá Leno. Arsenal 1-0 undir og manni færri þegar fyrri hálfleikurinn er ekki einu sinni búinn.
Hægt er að fylgjast með gangi mála í úrslitaþjónustu á forsíðu.
Athugasemdir