Claudio Ranieri, stjóri Watford, er talinn valtur í sessi eftir ansi slaka frammistöðu liðsins í síðustu leikjum.
Watford tapaði 3-0 heima gegn Norwich í kvöld og er nú í fallsæti þegar liðið hefur spilað 20 umferðir.
Ranieri var spurður út í eigin framtíð eftir leikinn í kvöld en hann segist vera í samvinnu með stjórn félagsins.
„Ég ræði við stjórnina á hverjum einasta degi og við stöndum saman í þessu," sagði Ranieri eftir leikinn.
Ranieri viðurkenndi jafnframt að frammistaðan hafi verið slök í kvöld og baðst afsökunar á spilamennskunni.
„Ég vil biðja stuðningsmennina afsökunar á frammistöðunni í kvöld," bætti Ítalinn við.
Athugasemdir
