banner
   sun 21. maí 2023 06:00
Brynjar Ingi Erluson
Nuddaði salti í sár föður síns í beinni útsendingu - „Þetta er ekki fyndið!“
Mynd: Getty Images
Mynd: Getty Images
Manchester City varð Englandsmeistari þriðja árið í röð í gær eftir að Arsenal tapaði fyrir Nottingham Forest á City Ground en Ian Wright og sonur hans, Shaun Wright-Phillips voru báðir í setti á BBC.

Wright er mikill Arsenal-maður og spilaði með liðinu á tíunda áratugnum.

Hann á tvo syni, þá Bradley og Shaun-Wright Phillips, en sá síðarnefndi spilaði meðal annars með Manchester City.

Þeir tveir hafa verið að skjóta á hvorn annan þegar það kemur að titilbaráttunni en sá hlær best sem síðast hlær og var það Shaun í þetta sinn.

Hann mætti í settið á BBC með bikarinn sjálfan og var Ian ekkert ýkja hrifinn af því.

„Þetta er ekki fyndið!“ sagði Ian þegar sonurinn mætti í settið en myndband af þessu má sjá hér fyrir neðan.


Athugasemdir
banner
banner
banner