Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 21. maí 2023 07:00
Brynjar Ingi Erluson
Skallamark Þorleifs tryggði stig gegn Dallas - Dagur Dan og Guðlaugur í sigurliðum
Þorleifur gerði jöfnunarmarkið fimm mínútum fyrir lok venjulegs leiktíma
Þorleifur gerði jöfnunarmarkið fimm mínútum fyrir lok venjulegs leiktíma
Mynd: Getty Images
Dagur Dan Þórhallsson og Guðlaugur Victor Pálsson voru báðir í sigurliðum í MLS-deildinni í nótt. Þorleifur Úlfarsson gerði þá fyrsta deildarmark sitt á tímabilinu í 1-1 jafntefli Houston Dynamo gegn Dallas.

Guðlaugur Victor spilaði allan leikinn í vörn D.C. United í 3-0 sigri á Los Angeles Galaxy.

Hann hefur verið að gera góða hluti undir stjórn Wayne Rooney en United er í 6. sæti Austur-deildarinnar með 19 stig.

Dagur Dan kom inn af bekknum á 84. mínútu í 3-1 sigri Orlando City á Inter Miami. Orlando er í 7. sæti Austur-deildarinnar með 19 stig eins og United.

Þorleifur Úlfarsson kom einnig inn af bekknum og gerði jöfnunarmark Houston Dynamo í 1-1 jafntefli gegn Dallas í Vestur-deildinni. Hann kom við sögu á 58. mínútu og gerði jöfnunarmarkið þegar fimm mínútur voru eftir af venjulegum leiktíma með skalla í stöng og inn.

Þetta var fyrsta deildarmark hans á tímabilinu en hann er einnig með eitt mark í opna-bandaríska bikarnum.


Athugasemdir
banner
banner
banner