| mán 21. september 2020 22:05 |
|
Rúnar Kristins: Þeir fengu fá færi
Lestu um leikinn: Breiðablik 0 - 2 KR
„Ég er ótrúlega stoltur af liðinu mínu, þetta er búið að vera ótrúlega erfið vika og vikur, mikið álag og ferðalög og við bara náðum einhvernveginn að tengja ofboðslega vel saman inn í klefa fyrir leikinn og á æfingu í gær þar sem allir lögðust á eitt með að gera betur en í síðustu tveimur leikjum, við erum búnir að tapa síðustu tveimur leikjum en samt búnir að spila vel, bara gert smávægileg mistök en við lokuðum algjörlega á það í þessum leik.''
„Blikar voru meira með boltann eins og við var að búast en við lokuðum vel á þá og lokuðum á öll þau svæði sem þeir vilja spila í, þeir áttu ekki mörg færi en þeir eru með marga góða einstaklinga sem geta breytt leikjum þannig þú þarft að vera á tánum í 94 mínútur og við vorum það svo sannarlega í dag. Við hefðum getað skorað fleiri mörk og þeir fengu fá færi en þó einhver.''
Hversu mikilvægt er það fyrir KR að ná evrópusæti?
„Það skiptir öllu máli á þessum erfiðu tímum sem eru núna, covid og allt þetta, fáir áhorfendur og stundum engir áhorfendur. Við fórum ekki áfram í evrópukeppni sem er blóðugt og þá náttúrulega eru þetta peningar og tekjur sem klúbbarnir nota sem hjálpartæki fyrir næsta ár og til að koma sér í gegnum þennan erfiða rekstur sem er hjá félögunum. KR hefur verið í evrópukeppni meira og minna síðustu árin og við viljum ekkert breyta því.''
Viðtalið í heild sinni má sjá í spilaranum hér að ofan en þar ræðir Rúnar meðal annars betur um leikinn, evrópuleikinn, brottfallið fyrir íslenskan fótbolta í evrópu og félagaskipti Rúnars Alex til Arsenal.
Athugasemdir
Nýjustu fréttirnar
