Pétur Pétursson, þjálfari Vals í kvöld.
„Ég er stoltur af liðinu mínu, sérstaklega í seinni hálfleik," sagði Pétur Pétursson, þjálfari Vals, eftir 0-1 tap gegn Slavia Prag í Meistaradeildinni í dag.
Fyrri leikur liðanna í annarri umferð forkeppninnar fór fram í dag. Valur spilaði ekki vel í fyrri hálfleiknum, en liðið steig upp í seinni og voru þær óheppnar að fá ekki að minnsta kosti jafntefli úr leiknum.
Fyrri leikur liðanna í annarri umferð forkeppninnar fór fram í dag. Valur spilaði ekki vel í fyrri hálfleiknum, en liðið steig upp í seinni og voru þær óheppnar að fá ekki að minnsta kosti jafntefli úr leiknum.
Lestu um leikinn: Valur 0 - 1 Slavia Prag
„Mér fannst við passívar í fyrri hálfleik en í seinni hálfleik sköpuðum við okkur fjögur eða fimm góð færi. Við hefðum átt að labba út af með lágmark jafntefli en svona er þetta stundum," segir Pétur.
Var einhver ástæða fyrir því að liðið var svona passívt í fyrri hálfleik?
„Þetta var mikilvægur leikur og við vorum kannski hræddar að einhverju leyti, en í seinni hálfleik vorum ekkert hræddar. Við fórum fram og gerðum það sem við ætluðum að gera. Þegar þær spila sinn leik þá eigum við möguleika á að komast áfram."
„Stundum er fótboltinn svona. Stundum færðu eitt færi og skorar eitt mark. Svo færðu tíu færi og skorar ekkert. Þetta var þannig leikur í dag, en við sýndum það allavega að við eigum stóran möguleika á að komast áfram þó það verði erfitt í Tékklandi. Ef við byrjum á að skora eitt mark þá er jafntefli. Það er stutt í þetta."
Hversu gott er þetta Slavia Prag lið?
„Þetta er hörkulið, þetta er atvinnumannalið. Þær eru með rútínu sem þær gera vel. Þær eru með mjög góða leikmenn."
Hér að ofan má sjá viðtalið en þar talar Pétur meðal annars um meiðslin sem Mist Edvardsdóttir varð fyrir í leiknum.
