Charlton búið að reka Adkins

Nigel Adkins hefur verið rekinn frá Charlton eftir aðeins sjö mánuði við stjórnvölinn. Charlton hefur aðeins unnið tvo af fyrstu þrettán leikjum sínum í ensku C-deildinni og er í þriðja neðsta sæti.

Adkins var aðeins sjö mánuði í starfinu en hann var ráðinn í mars eftir að Lee Bowyer tók við Birmingham.

Hann var nálægt því að stýra Charlton í úrslitakeppnina á síðasta ári en liðið hafnaði í sjöunda sæti. Á þessu tímabili hefur hinsvegar lítið gengið.