Liverpool steinlá á heimavelli gegn Real Madrid í gær og fékk fimm mörk á sig.
Það er óvanalegt að sjá Liverpool fá svona mörg mörk á sig og þá sérstaklega á heimavelli, en þetta er í fyrsta sinn í sögunni sem liðið lendir í slíkri niðurlægingu í Meistaradeild Evrópu.
Það er ekki oft sem Liverpool hefur fengið 5 mörk eða meira á sig, en síðustu tvö skipti fyrir þetta komu gegn Aston Villa. Í fyrra skiptið tefldi Liverpool fram unglingaliðinu sínu í deildabikarnum vegna þess að aðalliðið var upptekið á HM félagsliða 2019 og í seinna skiptið steinlágu lærisveinar Jürgen Klopp 7-2 í ensku úrvalsdeildinni í október 2020.
Fyrir það hafði Liverpool fengið fimm mörk á sig í deildabikarnum gegn Arsenal 2019, en Liverpool vann þann leik í vítaspyrnukeppni. Þar áður tapaði Liverpool 5-0 gegn Manchester City í úrvalsdeildinni 2017 og 6-1 gegn Stoke City 2015.
LIVERPOOL CONCEDE 5 GOALS IN A CHAMPIONS LEAGUE MATCH FOR THE ???????????????????? ???????????????? ???????????????? ???? pic.twitter.com/EjZ888te4a
— ESPN FC (@ESPNFC) February 21, 2023
