Eins og fram kom fyrr í kvöld var vesen á hljóðkerfinu þegar átti að spila franska þjóðsönginn fyrir leik Íslands og Frakklands í kvöld.
Húbbabúbba hafði verið að skemmta fyrir leik með lögum sínum og blandaðist lagið þeirra við þjóðsöng Frakka.
Þorsteinn Halldórsson var á fjölmiðlafundi eftir leik og sagði frá því hvernig þetta sá við honum frá hliðarlínunni.
„Ég náttúrulega skildi ekkert hvað var í gangi. Rétt fyrir þjóðsönginn þá heyrði maður eitthvað í þeim á RÚV, þannig ég skildi ekkert hvað var að gerast. Auðvitað var þetta bara pínlegt fyrir okkur, en þetta er eitthvað mál sem svo sem kemur mér ekkert við. "
Athugasemdir
