Sky á Ítalíu heldur því fram að króatíski miðjumaðurinn Luka Modric sé búinn að samþykkja samningstilboð frá AC Milan.
Modric, sem á fertugsafmæli í september, kemur til Milan á frjálsri sölu eftir að hafa verið hjá Real Madrid síðustu þrettán ár.
Þessi goðsagnakenndi miðjumaður á að hjálpa til við að fylla í skarðið sem myndast þegar Milan selur Tijjani Reijnders til Manchester City.
Ekki er greint frá samningslengd en líklegt er að Modric geri eins árs samning við félagið með möguleika á auka ári.
Sky segir að félagaskiptin muni ganga í gegn á næstu dögum.
Athugasemdir
