Hildigunnur Ýr Benediktsdóttir skoraði mark FH.
Annar leikur sumarsins í Bestu deild kvenna var að klárast en þar hafði FH betur gegn Tindastóli á Sauðárkróki. Leikurinn átti upphaflega að fara fram í gær en var frestað til dagsins í dag.
FH er spáð góðu gengi í sumar en þær voru í fjórða sæti í spá Fótbolta.net fyrir tímabilið. Tindastóll var í áttunda sæti í spánni.
Fyrri hálfleikurinn var markalaus en snemma í seinni hálfleiknum kom Hildigunnur Ýr Benediktsdóttir FH yfir með þrumuskoti.
Það reyndist eina mark leiksins og FH náði að landa góðum sigri á Króknum.
Það eru þrír aðrir leikir í kvöld og eru þeir allir í beinni textalýsingu á Fótbolta.net.
Athugasemdir
