Englandsmeistarar Manchester City ætla að hafa sigurhátíð í Manchester-borg á morgun.
Félagið varð Englandsmeistari annað árð í röð með því að vinna magnaðan 3-2 endurkomusigur á Aston Villa í lokaumferðinni.
Liðið var tveimur mörkum undir þegar fimmtán mínútur voru eftir en kom til baka og skoraði þrjú mörk á nokkrum mínútum.
Man City endar því efst með 93 stig, einu stigi meira en Liverpool.
Það verður sigurhátíð í Manchester-borg á morgun og fagnar liðið titlinum í opinni rútu sem mun keyra um borgina.
Liverpool mun halda samskonar rútuferð sólarhring eftir úrslitaleik liðsins við Real Madrid í Meistaradeild Evrópu eftir viku.
Athugasemdir
