Fótbolti.net

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

Frammistaðan ekki áhyggjuefni - „Skal hundur heita ef það verður skorað flottara mark í sumar“

mán 22. september 2025 22:21

Kári Snorrason

Dóri Árna: Sé ekki betur en að Hólmar hoppi upp og slái í boltann - Vona að ég hafi rangt fyrir mér

Mynd: Fótbolti.net - Hafliði Breiðfjörð

Breiðablik og Valur gerðu hádramatískt jafntefli á Hlíðarenda fyrr í kvöld. Valur jafnaði metin úr vítaspyrnu þegar langt var liðið á uppbótartímann. Halldór Árnason, þjálfari Breiðabliks, var svekktur að leik loknum.

„Svolítið 'Deja vu' frá leik hérna fyrir fjórum umferðum, sem gerir þetta ennþá sárara. Ég er að sama skapi stoltur af liðinu. Við mættum mjög orkumiklir og hugrakkir, mættum í maður á mann og stigum hátt á þá.“

„Spiluðum vel varnarlega og sóknarlega. Auðvitað ekki auðvelt að skora á Valsliðið. Þeir eru með fjögurra manna varnarlínu af fjórum mjög öflugum hafsentum, sem kunna að verja markið sitt og gerðu það vel.“

Breiðablik fékk á sig vítaspyrnu eftir að Valgeir Valgeirsson fékk boltann í hendina eftir hornspyrnu Vals. Í aðdraganda hornspyrnunnar fær Hólmar Örn Eyjólfsson boltann greinilega í hendina en ekkert var dæmt.

„Ég vona að ég hafi rangt fyrir mér, en það kemur fyrirgjöf frá vinstri sem fer í teiginn og ég get ekki séð betur en að Hólmar fari upp og slái boltann með hendinni. Þaðan fer boltinn í Valgeir og þaðan kemur hornspyrnan sem vítið kemur upp úr. Ég vona að ég hafi rangt fyrir mér, ég en þetta verður til þess að þeir fái hornspyrnuna sem vítið kemur upp úr.“

Viðtalið má sjá í heild sinni í spilaranum hér að ofan.