Á meðan Arsenal gerði markalaust jafntefli við Leeds á útivelli í dag, þá var Mesut Özil að leika sér heima á samfélagsmiðlum.
Özil, sem er sagður þéna um 350 þúsund pund á viku, var ekki valinn í 25 manna hóp Arsenal í ensku úrvalsdeildinni á dögunum en hann er í frystikistunni hjá Mikel Arteta, stjóra liðsins.
Freddie Ljungberg, sem stýrði Arsenal í átta leikjum á síðustu leiktíð, var sérfræðingur á Sky Sports í dag. Hann telur að Özil, sem er ekki duglegasti fótboltamaður í heimi - langt því frá, passi ekki inn í kerfi Arteta.
Það var tekin saman tölfræði fyrir leikinn í dag þar sem því var komið á framfæri að Özil hafi skapað flest færi í Arsenal miðað við hverjar 90 mínútur frá byrjun síðasta tímabils í ensku úrvalsdeildinni. Özil hefur aðeins spilað 18 sinnum.
Patrice Evra, sem var sérfræðingur með Ljungberg í dag, er á því að Özil eigi heima í liði Arsenal, en Lundúnaliðið hlýtur að geta notað hann, sérstaklega í ljósi þess að liðið hefur ekki skorað úr opnum leik í ensku úrvalsdeildinni í meira en sjö klukkustundir. Liðið hefur aðeins skorað níu mörk, en það er það minnsta sem liðið hefur skorað í deildinni eftir níu leiki síðan 1986.
Özil hefur verið mjög virkur á Twitter síðustu vikur. Í dag reifst hann við fjölmiðlamanninn Piers Morgan á meðan leiknum stóð. Morgan skrifaði að hann óskaði sér að Özil myndi fara frá Arsenal.
Özil svaraði því og sagði: „Piers, var þetta í raun og veru þú? Eða var síminn þinn hakkaður?"
Morgan er fyrrum ritstjóri enskra götublaða en hann hefur verið ásakaður um það í starfi sínu sem ritstjóri News of the World og Daily Mirror að hafa heimilað símahleranir. Özil var greinilega að skjóta á það þarna en tístið má sjá hér að neðan.
Piers, was that really you, or was your phone hacked? 👂📲 https://t.co/g2GW6YTE8R
— Mesut Özil (@MesutOzil1088) November 22, 2020
Arsenal have now gone over seven hours (430 minutes) without scoring a Premier League goal from open play. #afc pic.twitter.com/vJVmGN72kA
— afcstuff (@afcstuff) November 22, 2020
Athugasemdir