Carlos Romero skoraði sturlað mark er Espanyol vann Athletic á útivelli
Athletic 1 - 2 Espanyol
1-0 Alejandro Berenguer ('38 )
1-1 Carlos Romero ('44 )
1-2 Pere Milla ('52 )
1-0 Alejandro Berenguer ('38 )
1-1 Carlos Romero ('44 )
1-2 Pere Milla ('52 )
Espanyol lagði Athletic Bilbao að velli, 2-1, í 17. umferð La Liga í Baskalandi í kvöld.
Alejandro Berenguer kom heimamönnum í Bilbao yfir á 38. mínútu eftir mikið klafs. Boltinn barst til hans inn á teignum og náði hann að pota boltanum framhjá Marko Dmitrovic í markinu.
Áður en hálfleikurinn var úti tókst Carlos Romero að jafna metin með sturluðu marki. Aukaspyrna var hreinsuð frá og út fyrir teiginn á Romero sem tók hann viðstöðulaust á lofti og í vinstra hornið. Draumamark hjá Romero og eitt flottasta mark deildarinnar til þessa.
Espanyol nýtti sér meðbyrinn inn í síðari hálfleikinn og þegar aðeins sjö mínútur voru liðnar skoraði Pere Milla sigurmarkið en Tyrhys Dolan átti nánast allan heiðurinn af því. Hann fór illa með varnarmann Athletic á hægri vængnum og kom með frábæra sendingu fyrir markið á Milla sem gat ómögulega klúðrað tæpum einum metra frá markinu.
Flott endurkoma hjá Espanyol sem hefur verið að gera góða hluti á tímabilinu. Þetta var fjórði deildarsigurinn í röð hjá þeim og er liðið í 5. sæti með 33 stig en Athletic í 8. sæti með 23 stig.
Við leyfum jöfnunarmarki Romero að fylgja með en það má sjá hér fyrir neðan. Svakalegt mark hjá spænska bakverðinum.
???????? Athletic Club 1-1 Espanyol ?? Carlos Romero pic.twitter.com/kZkiFOxX5p
— Goals Xtra (@GoalsXtra) December 22, 2025
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 18 | 15 | 1 | 2 | 51 | 20 | +31 | 46 |
| 2 | Real Madrid | 18 | 13 | 3 | 2 | 36 | 16 | +20 | 42 |
| 3 | Atletico Madrid | 18 | 11 | 4 | 3 | 33 | 16 | +17 | 37 |
| 4 | Villarreal | 16 | 11 | 2 | 3 | 31 | 15 | +16 | 35 |
| 5 | Espanyol | 17 | 10 | 3 | 4 | 22 | 17 | +5 | 33 |
| 6 | Betis | 17 | 7 | 7 | 3 | 29 | 19 | +10 | 28 |
| 7 | Celta | 17 | 5 | 8 | 4 | 20 | 19 | +1 | 23 |
| 8 | Athletic | 18 | 7 | 2 | 9 | 16 | 24 | -8 | 23 |
| 9 | Elche | 17 | 5 | 7 | 5 | 23 | 20 | +3 | 22 |
| 10 | Sevilla | 17 | 6 | 2 | 9 | 24 | 26 | -2 | 20 |
| 11 | Getafe | 17 | 6 | 2 | 9 | 13 | 22 | -9 | 20 |
| 12 | Osasuna | 17 | 5 | 3 | 9 | 17 | 20 | -3 | 18 |
| 13 | Mallorca | 17 | 4 | 6 | 7 | 19 | 24 | -5 | 18 |
| 14 | Alaves | 17 | 5 | 3 | 9 | 14 | 20 | -6 | 18 |
| 15 | Vallecano | 17 | 4 | 6 | 7 | 13 | 20 | -7 | 18 |
| 16 | Real Sociedad | 17 | 4 | 5 | 8 | 21 | 25 | -4 | 17 |
| 17 | Valencia | 17 | 3 | 7 | 7 | 16 | 26 | -10 | 16 |
| 18 | Girona | 17 | 3 | 6 | 8 | 15 | 33 | -18 | 15 |
| 19 | Oviedo | 17 | 2 | 5 | 10 | 7 | 26 | -19 | 11 |
| 20 | Levante | 16 | 2 | 4 | 10 | 17 | 29 | -12 | 10 |
Athugasemdir
