Kvennalið Víkings vann Lengjudeildina á síðasta ári og kom sér þannig upp í Bestu deildina, en auk þess varð liðið Mjólkurbikarsmeistari eftir magnaðan úrslitaleik gegn Breiðabliki.

„Að baki þessum hraða vexti og góða árangri liggur mikil vinna innan alls félagsins. Farið var í ítarlega greiningu og markmiðasetningu og fjölmargir sjálfboðaliðar komu að ýmsum verkefnum tengdum liðinu og leikjum þess með það fyrir augum að gera umgjörðina fyrsta flokks,“ segir vef á KSÍ.

Berglind Bjarnadóttir og Sigurbjörn Björnsson tóku við verðlaununum fyrir hönd Víkings.

Framkvæmdastjóri KM er grasrótarpersóna ársins

Einnig voru veitt verðlaunin Grasrótarpersóna ársins og var það Joaquín Linares Cordoba, aðstoðarþjálfari, framkvæmdastjóri, formaður og gjaldkeri KM.

„Það hefur verið mjög fallegt að fylgjast með þessu félagi og óeigingjörnu starfi Joaquíns í þess þágu síðastliðinn áratug. Leikmenn liðsins eru af fjölmörgum þjóðernum og eru allir velkomnir. Íslendingar, aðfluttir, flóttamenn, hælisleitendur - eiga þennan vettvang þar sem allir eru jafnir og spila saman fótbolta,“ var skrifað um hann í tilnefningunni.