Tjöld sett fyrir eftir óhugnanlegan árekstur

Ungverski sóknarmaðurinn Barnabas Varga var borinn af velli á börum eftir að hann lenti í óhugnanlegum árekstri við Angus Gunn markvörð Skotlands á EM í kvöld.

Leikurinn var stopp í um sjö mínútur á meðan Varga fékk aðhlynningu á vellinum í Stuttgart.

Þetta leit alls ekki vel út og tjöldum var haldið fyrir á meðan þessi 29 ára leikmaður Ferencvaros fékk aðhlynningu. Samherjar hans voru skiljanlega mjög áhyggjufullir.