„Ég ætla ekkert að segja um Lovren, hvort hann gæti farið eða ekki. Ég vil ekki tala um það," sagði Jurgen Klopp, stjóri Liverpool, á fréttamannafundi í dag.

Liverpool var í viðræðum við Roma um króatíska varnarmanninn Dejan Lovren en það slitnaði upp úr þeim viðræðum.

Klopp var annars léttur á fundinum og var til í að svara öllum öðrum spurningum.

Þar kom meðal annars fram að Naby Keita væri á góðri leið í endurkomunni en ljóst væri að hann gæti þó ekki tekið þátt í leiknum gegn Arsenal á morgun.

Um meiðslin hjá Alisson markverði:

„Ég borðaði hádegismat með honum í dag, hann getur allavega borðað!" sagði Klopp léttur. „Það er engin dagsetning í huga mínum varðandi Alisson. Hann var á hækjum en þær eru ekki lengur til staðar."

Hann býst við hörkuleik gegn Arsenal.

„Bæði lið eru sóknarsinnið. Arsenal mun líklega breyta til í tveimur lykilstöðum. Pepe mun byrja og ekki gerir það þá veikari. Lið spila oft öðruvísi þegar þau mæta okkur og það gerir leikgreiningar okkar flóknari," sagði Klopp.

Leikurinn á morgun verður klukkan 16:30.

Tweet

Senda a Facebook Hafdu samband Senda frétt Prenta frétt Frétta leit