Dofri Snorrason skrifaði í kvöld undir tveggja ára samning við Fjölni. Hann kemur til liðsins frá Víking Reykjavík Dofri er fæddur árið 1990 og kemur með mikla reynslu inn í Fjölni sem féll úr Pepsí Max-deildinni í sumar.
„Bara ánægður, gott að vera búin að skrifa undir. Ánægður að þeir höfðu samband og fínt að vera komin hingað."
Dofri segir að aðdragandinn af þessu hafi verið stuttur eftir að Fjölnir hafði samband.
„Þeir höfðu samband mjög snemma eftir að tilkynnt að ég yrði ekki áfram hjá Víking og sýndu mér mikin áhuga alveg frá byrjun og ég ákvað að koma hingað"
Dofri segir að það hafi verið inn í myndinni að vera áfram hjá Víkingum en tók ákvörðun að skrifa undir hjá Fjölnismönnum.
„Það var alveg í myndinni. Ég fékk lítin spilatíma síðasti sumar hjá Víking og fannst ég bara þurfa breyta til og ég held að það sé bara hollt að gera það."
Fjölnir féll úr Pepsí Max-deildinni og Dofri segir að markmið liðsins sé skýrt.
„Jú klárlega, mér heyrist það svona á öllum að það sé markmið liðsins og ég held að það sé alveg grundvöllur að stefna aftur upp."
Dofri Snorrason segist hafa verið fljótur að stökkva á Fjölni eftir að Ásmundur Arnarsson hafði samband.
„Já ég var spenntur um leið og hann hafði samband. Mér leyst vel á leikmannahópinn, spilaði tvisvar á móti þeim síðasta sumar og ég veit það býr mikið í þessu liði. Það er gaman að koma hingað og ég veit að þetta lið getur gert mjög góða hluti."
Viðtalið í heild sinni má sjá í sjónvarpinu hér að ofan.
Athugasemdir