Arnaut Danjuma er genginn í raðir Tottenham á láni frá Villarreal út tímabilið. Það vakti athygli í gær þegar hann var allt í einu á leið til Tottenham eftir að svo gott sem allt var frágengið varðandi skipti hans til Everton.

Búið var að taka mynd af honum í treyjunni, samkomulag í höfn varðandi kaup og kjör, læknisskoðun lokið og búið að undirbúa allt í kringum kynningu á leikmanninum sem átti að vera í gær.

Hann átti bara eftir að skrifa undir samninginn. En svo allt í einu var hann á leiðinni til Tottenham og var kynntur þar í dag.