Milos ræðir hér við Óttar Magnús sem skoraði tvennu í leiknum.
„Ég er mjög sáttur við leikinn og það að við séum komnir áfram, en það eru hlutir í leiknum sem við eigum að vinna í," sagði Milos Milojevic, þjálfari Víkings R., eftir 2-1 sigur sinna manna á Haukum í kvöld.
Þetta var leikur í 32-liða úrslitum Borgunarbikarsins, en Haukarnir minnkuðu muninn undir lokin. Milos kveðst þó ekki hafa verið mjög stressaður eftir að Haukarnir skoruðu.
Þetta var leikur í 32-liða úrslitum Borgunarbikarsins, en Haukarnir minnkuðu muninn undir lokin. Milos kveðst þó ekki hafa verið mjög stressaður eftir að Haukarnir skoruðu.
Lestu um leikinn: Haukar 1 - 2 Víkingur R.
„Mér fannst eins og það hefði ekki verið verðskuldað ef þeir hefðu jafnað leikinn og ég var þess vegna rólegur, en þegar við klúðrum svona mörgum færum þá kemur oft refsing og mér fannst markið sem þeir skora algjör refsing."
Milos ákvað að geyma Gary Martin á bekknum og byrja með Óttar Magnús Karlsson inn á, en Óttar Magnús skoraði bæði mörk Víkinga í leiknum.
„Gary hefur verið að spila marga leiki að undanförnu og það var gott tækifæri líka fyrir Óttar að skora gegn Val og byrja leikinn í dag. Hann svaraði mjög vel og ég er ánægður með það að hafa svona gott val á framherjum til þess að velja."
Næsti leikur Víkinga er gegn ÍA í Pepsi-deildinni, en Milos segir að það verði alls ekki léttur leikur.
„Við erum að sækjast eftir þremur stigum á heimavelli og þessi tveir síðustu leikir hafa gefið okkur aukið sjálfstraust. Þetta verður ekki létt, ÍA er mjög gott lið og baráttuglaðir. Það þarf ekkert að biðja Skagamenn um að berjast," sagði Milos að lokum.
Athugasemdir
