Talið er að Ipswich borgi um 15 milljónir punda til að kaupa O'Shea, sem var byrjunarliðsmaður í liði Burnley sem féll úr ensku úrvalsdeildinni á síðustu leiktíð.

O'Shea er 25 ára gamall og er mikilvægur hlekkur í írska landsliðinu, þar sem hann á 26 leiki að baki.

O'Shea er ellefti leikmaðurinn sem Ipswich kaupir í sumar en félagið festi kaup á kantmanninum öfluga Jack Clarke í gær.