Chelsea ekki skorað jafn lítið síðan 1996

Þegar enskir úrvalsdeildarleikir eru skoðaðir kemur í ljós að Chelsea hefur núna mistekist að skora í 13 deildarleikjum á árinu, sem er versta markaskorun félagsins síðan árið 1996 þegar liðinu mistókst að skora í 14 deildarleikjum.

Það er nóg eftir af árinu 2023 og því gætu lærisveinar Mauricio Pochettino hæglega bætt þetta met, en þá yrði það versta markaskorun Chelsea frá stofnun ensku úrvalsdeildarinnar.

Chelsea er aðeins komið með fimm stig eftir sex fyrstu leikina á nýju úrvalsdeildartímabili. Liðið er búið að skora fimm mörk, en þrjú þeirra komu í sigri gegn Luton Town.

Tapleikurinn gegn Aston Villa var þriðji úrvalsdeildarleikurinn í röð sem Chelsea mistekst að skora í.