Fótbolti.net

„Ég fer að grenja að tala um það"

Dóri Árna: Ekki verið nálægt því að tapa síðan einhvern tímann í júní

Höskuldur: Þetta er epísk sögulína

Andri Rafn: Maður er náttúrulega bara í einhverjum graut eftir þetta

„Fannst við eiga að vinna stærra"

Aron Bjarna: Ennþá að meðtaka þetta

Sölvi Geir: Því miður féll þetta bara ekki með okkur

Damir: Við pökkuðum þeim bara saman

Davíð Ingvars: Það verður partý fram á nótt

„Tveir úrslitaleikir og núll titlar er ekki nógu gott"

Arnór Gauti svaraði Eyþóri Wöhler: Stórt shout á saununa í Lágó

Kiddi Steindórs: Stundum þarf vondi kallinn að sigra

Ísak Snær: Tvö tímabil tveir titlar, ekki slæm tölfræði."

Daníel Laxdal heiðraður sem goðsögn Stjörnunnar: Kom bara eitt lið til greina

Leifur niðurbrotinn eftir skell og fall: Mér líður hræðilega

Hilmar Árni heiðraður eftir síðasta leikinn: Þetta var tilfinningaríkt

Þórarinn Ingi: Ég ætla ekki að gefa út strax að maður sé hættur

Fjölskyldan kom Arnóri skemmtilega á óvart í kveðjuleiknum - „Ómetanlegt"

Jökull: Virkilega vel unnið hjá félaginu og geggjaðir stuðningsmenn

Finnur Orri: Ég verð ekki áfram hjá FH

fös 25. október 2024 15:08

Guðmundur Aðalsteinn Ásgeirsson
Viðtal

Arnar Gunnlaugs: Ómannlegt að fara í einhverja þvælu í gær

Arnar Gunnlaugsson, þjálfari Víkinga.

Mynd: Fótbolti.net - Hafliði Breiðfjörð

Arnar vonast til að fagna sigri á sunnudaginn.

Mynd: Fótbolti.net - Hafliði Breiðfjörð

„Núna er fullur fókus á Blikaleikinn," sagði Arnar Gunnlaugsson, þjálfari Víkinga, í samtali við Fótbolta.net í dag. Á sunnudaginn mætast Víkingur og Breiðablik í hreinum úrslitaleik um sigur í Bestu deildinni. Það er gríðarleg eftirvænting fyrir þessum risastóra leik.

Víkingar unnu sigur á Cercle Brugge í Sambandsdeildinni í gær en núna er einbeitingin komin á það að vinna Breiðablik og vinna í leiðinni Íslandsmeistaratitilinn.

„Við komum saman eftir leikinn í gær og fengum okkur pizzu. Þú verður í þessu amstri að njóta góðu stundanna. Við leyfum okkur að fagna í gær. Svo vöknuðum við í morgun og þá hefst undirbúningurinn fyrir leikinn gegn Blikum. Þannig á það held ég að vera. Ef við hefðum strax farið í einhverja þvælu í gær að vera eins og vélmenni - að fara að einbeita okkur að Blikaleiknum - þá er það ómannlegt. Við vonandi gerðum þetta hárrétt," sagði Arnar.

Þeir hafa verið ótrúlegir
Það voru flestir að tala um Víking og Val fyrir tímabil, en Blikarnir hafa gert mjög vel eftir miklar breytingar.

„Þeir hafa verið ótrúlegir. Þeir hikstuðu smá í byrjun, eðlilega. Svo hafa þeir svarað pressunni - sem fylgir því að vera alltaf að elta - mjög vel. Þeir eru mjög þroskað lið. Þeir minna mig svolítið á Víkinga ef ég á að segja alveg eins og er."

„Það slær enginn Óskari Hrafni við í skemmtanagildi í fótbolta. Blikarnir voru hrikalega skemmtilegir undir hans stjórn og náðu frábærum árangri. Það er aðeins öðruvísi núna. Aðeins? Þeir eru töluvert öðruvísi lið. En engu að síður eru þeir frábært lið sem skorar mikið af mörkum og fær fá á sig," sagði Arnar.

Það er einstaklega skemmtilegt að fá þennan leik þar sem það er mikill rígur á milli þessara tveggja liða.

„Þetta er draumaúrslitaleikur allra held ég. Það er mikið búið að ganga á síðustu árin. Ég ætla að vona að þetta verði ekki neinn endapunktur en þetta er hápunktur rígsins síðustu árin. Svo tekur eitthvað nýtt við. Það mun mikið gerast í þessum leik. Það verða mörk og svo verður besta liðið Íslandsmeistari," sagði þjálfari Víkinga en hann ætlar að mæta snemma á völlinn á sunnudaginn.

Allt viðtalið má sjá í spilaranum hér að ofan.