„Að vinna 6-1 eru ágætis yfirburðir, við vorum bara tilbúnir í leikinn. Maður var mjög ánægður með framlagið og ákæfðina sem við mættum með út á völl og menn ætluðu sér bara að vinna leikinn." voru fyrstu viðbrögð Jón Þóris þjálfara Fram eftir 6 - 1 sigurinn á Þór í Safamýrinni í dag.
Lestu um leikinn: Fram 6 - 1 Þór
Þórsararnir komast yfir í leiknum en eftir það var þetta aldrei spurning hvoru meginn sigurinn myndi detta.
„Það er búið að vera karakterinn hjá okkur í sumar, við höfum lent undir og fengið á okkur jöfnunarmörk en við höfum haldið áfram alltaf og það gerðist í dag og við kláruðum leikinn þarna á stuttum tíma í seinni hálfleik, skoruðum 3 mörk og keyrðum á það sem við ætluðum að gera og það gekk fullkomnlega upp í dag."
Komu Þórsararnir Jón Þóri eitthvað á óvart í dag?
„Nei ekkert endilega, þeir spiluðu nú nokkurvegin eins og þeir hafa verið að gera en við vorum kannski bara tilbúnir í þetta og það er bara þannig í þessari deild að það eru mikið af löngum og erfiðum ferðalögum og þeim til vorkunnar að þurfa ferðast í þennan leik og við vorum bara frískari og meira tilbúnir í allt sem að til þurfti."
Framarar mæta Fylki í bikarnum á Fimmtudaginn en Framarar hljóta að vera spenntir fyrir því verkefni.
„Jú, bara frábært og vera heima, okkur líður vel hérna í Safamýrinni og við ætlum að halda áfram að láta það vera okkar vígi. Það er bara virkilega skemmtilegur bónus að fá eitt Pepsí Max-deildar test á miðju sumri og við förum í þann leik til að vinna hann."
Viðtalið í heild sinni má sjá í sjónvarpinu hér að ofan.
Athugasemdir