Óskar, sem er fæddur árið 2005, var lánaður í Vængi Júpíters í 3. deildinni fyrir þetta tímabil og spilaði hann þar tvo leiki og skoraði eitt mark.

Hann var síðan kallaður til baka til félagsins í gær og í dag gekk hann til liðs við ÍBV á láni út tímabilið.

Óskar þykir gríðarlegt efni en hann æfði með sænska félaginu IFK Gautaborg á síðasta ári og stóð sig vel.

Eyjamenn hafa því sótt tvo leikmenn í dag en Jón Kristinn Elíasson kom til félagsins frá KFS á meðan Halldór Páll Geirsson fór í hina áttina.

ÍBV er í 10. sæti deildarinnar með 11 stig en liðið hefur unnið síðustu tvo leiki sína í deildinni.