Marco Silva þjálfari Fulham svaraði spurningum eftir endurkomusigur gegn botnliði Southampton í ensku úrvalsdeildinni í gær.
Fulham er í áttunda sæti eftir sigurinn, sem gefur þátttökurétt í Sambandsdeildina á næstu leiktíð ef Crystal Palace tekst ekki að sigra úrslitaleik enska bikarsins.
„Við verðum að halda áfram á okkar striki og líta á hvern einasta leik sem úrslitaleik. Við þurfum að safna sem flestum stigum til að vera í sem bestri stöðu til að eiga möguleika á Evrópusæti. Þessi leikmannahópur hefur staðið sig mjög vel á tímabilinu og ég er stoltur að strákarnir eru ennþá í baráttu í deildinni," sagði Silva eftir sigurinn.
„Það eru mörg lið í harðri baráttu víðsvegar um deildina og þetta voru gríðarlega mikilvæg stig fyrir okkur. Þetta var skyldusigur fyrir okkur í baráttunni um áttunda sætið.
„Þeir skoruðu eftir aukaspyrnu og pökkuðu svo í vörn. Það var erfitt að brjóta þá niður með níu eða tíu leikmenn í eigin vítateig en það tókst að lokum og við skópum dýrmætan sigur. Þeir vildu ekki mæta okkur ofarlega á vellinum svo við urðum að sýna þolinmæði til að finna leiðina í gegn. Við áttum fyllilega skilið að sigra þennan leik miðað við öll færin sem við sköpuðum."
Fulham er jafnt Brighton á stigum og með örlítið betri markatölu, þegar aðeins fjórar umferðir eru eftir. Bournemouth er einnig með í baráttunni og getur hirt áttunda sætið af Fulham með sigri gegn Manchester United í dag. Ryan Sessegnon skoraði sigurmarkið í uppbótartíma og var valinn sem maður leiksins í einkunnagjöf Sky.
„Ryan er öflugur leikmaður þegar kemur að því að gefa fyrirgjafir eða klára færi. Hann er alltaf með réttar tímasetningar í vítateignum og hann sýndi hversu gott þol hann hefur í dag. Hann var stöðugt að hlaupa upp og niður vænginn en hafði samt orkuna til að skora sigurmark í uppbótartíma. Hann hefur átt erfitt uppdráttar á síðustu tímabilum en er með gott hugarfar og getur gert frábæra hluti."
Sessegnon er fjölhæfur leikmaður og spilar sem vinstri bakvörður að upplagi, en Silva hefur einnig notað hann á vinstri og hægri kanti á tímabilinu.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Chelsea | 37 | 19 | 9 | 9 | 63 | 43 | +20 | 66 |
| 5 | Aston Villa | 37 | 19 | 9 | 9 | 58 | 49 | +9 | 66 |
| 6 | Man City | 36 | 19 | 8 | 9 | 67 | 43 | +24 | 65 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 37 | 10 | 9 | 18 | 42 | 54 | -12 | 39 |
| 17 | Tottenham | 37 | 11 | 5 | 21 | 63 | 61 | +2 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
Athugasemdir
