Jóhann Birnir: Meira svekktur með að það kom óðagot á okkur

„Þetta er svona 'mixed emotions'. Við hefðum getað klárað þennan leik. Mér fannst við með yfirhendina á löngum köflum sérstaklega í seinni hálfleik" sagði Jóhann Birnir Guðmundsson þjálfari ÍR eftir leikinn í kvöld.

„Svo skorum við og það kemur svona smá óðagot á okkur og þeir jafna. Þeir hefðu líka getað klárað þetta í lokin. Villi nátturlega ver víti þarna í lokin. Heilt yfir bara þokkalega sáttur með jafnteflið og frammistöðuna, menn lögðu allt í þetta" 

ÍR náði forystunni seint í leiknum en fengu á sig jöfnunarmark tveimur mínútum seinna. 

„Er eiginlega meira svekktur með hvað það kom smá óðagot á okkur og við fórum í smá 'panic' fannst mér" 

Njarðvík fékk vítaspyrnu þegar 90 mínútur voru komnar á klukkuna en Vilhelm Þráinn gerði sér lítið fyrir og varði spyrnuna. 

„Villi er nátturlega bara búin að vera frábær hjá okkur í tvö ár núna og við treystum honum fullkomnlega og frábært víti að verja hjá honum" 

Nánar er rætt við Jóhann Birnir Guðmundsson í spilaranum hér fyrir ofan.