Það verður nóg að gera á markaðnum hjá Arsenal í sumar, félagið vill fá inn framherja og styrkja hópinn almennt fyrir átökin næsta vetur.
Fabio Vieira er sóknarsinnaður miðjumaður sem hefur verið á láni hjá Porto á tímabilinu. Lánssamningurinn rennur út eftir tímabilið og þá ætti Vieira að snúa aftur til London. En möguleiki er á því að það muni ekki gerast.
Fabio Vieira er sóknarsinnaður miðjumaður sem hefur verið á láni hjá Porto á tímabilinu. Lánssamningurinn rennur út eftir tímabilið og þá ætti Vieira að snúa aftur til London. En möguleiki er á því að það muni ekki gerast.
Portúgalski landsliðsmaðurinn er leikmaður sem Andre Villas-Boas, forseti Porto, heldur mikið upp á og vill halda í Portúgal.
Vieira var keyptur til Arsenal 2022 á 30 milljónir punda. Hann hefur skorað fimm mörk í vetur og átti að spila með Porto á HM félagsliða í sumar áður en hann myndi snúa til baka til Arsenal.
Samkvæmt portúgölskum miðlum er möguleiki á að hann haldi kyrru fyrir í Portúgal. Þar segir að Villas-Boas sé í viðræðum við Arsenal, möguleiki er á því að lánið verði framlengt eða hann hreinlega keyptur til Porto.
Athugasemdir
