Galdur Guðmundsson skoraði eitt af mörkum Breiðabliks í 6-2 sigri gegn Val í 32-liða úrslitum Mjólkurbikarsins í gær. Galdur er 16 ára og sex vikna og varð með markinu yngsti markaskorari Breiðabliks í opinberri keppni.
'Áhugaverðar staðreyndir um íslenska knattspyrnu' á Twitter benda á að hann hafi slegið met sem Ágúst Eðvald Hlynsson setti í bikarleik gegn Kríu 26. maí 2016. Sex árum eftir mark Ágústs slær Galdur metið á nákvæmlega sama mánaðardegi.
Ágúst er einmitt leikmaður Vals í dag og kom inn af bekknum í leiknum í gær, líkt og Galdur. Ágúst var því inni á vellinum þegar met hans var slegið.
'Áhugaverðar staðreyndir um íslenska knattspyrnu' á Twitter benda á að hann hafi slegið met sem Ágúst Eðvald Hlynsson setti í bikarleik gegn Kríu 26. maí 2016. Sex árum eftir mark Ágústs slær Galdur metið á nákvæmlega sama mánaðardegi.
Ágúst er einmitt leikmaður Vals í dag og kom inn af bekknum í leiknum í gær, líkt og Galdur. Ágúst var því inni á vellinum þegar met hans var slegið.
Markið sem Galdur skoraði í gær var afskaplega glæsilegt, skot í stöngina og inn sem kom Blikum í 5-2.
„Galdur kemur inn á, hann er ungur og áræðinn, skorar mark og veldur miklum usla," sagði Óskar Hrafn Þorvaldsson, þjálfari Breiðabliks, eftir leikinn.
Skemmtilegt fyrir stuðningsmenn Breiðabliks að sjá Galdur skora þetta mark, rétt áður en hann heldur út í atvinnumennskuna. Þessi efnilegi leikmaður hefur þegar gert þriggja ára samning við FC Kaupmannahöfn og fer til félagsins 1. júlí.
🗓 26.05.2016
— Áhugaverðar staðreyndir um íslenska knattspyrnu (@OReyndir) May 26, 2022
Ágúst Eðvald 16 ára og tveggja mánaða skorar gegn KRÍU í 32 liða úrslitum Borgunarbikarsins. Yngsti markaskorari Breiðabliks í opinberri keppni.
🗓 26.05.2022
Galdur 16 ára og 6 vikna skorar gegn Val í 32 liða úrslitum Mjólkurbikarsins. Bætir met Ágústs 😎 pic.twitter.com/p4JYK4lF98
Athugasemdir