„Tilfinningin var stundum góð og stundum slæm. Þeir voru helvíti sprækir og við skoruðum snemma gott mark en þeir skora tvö mörk og ég veit ekkert hvað gerðist en það var rangstaða í þeim báðum. En það sem gerðist oft í fyrri hálfleik hjá okkur var að við vorum að koma okkur í ágætar stöður en síðasta sendingin var bara léleg. Það var verið að breika á okkur endalaust í fyrri hálfleik og oft í seinni og mér fannst við eiga halda betur í boltann í leiknum.“
Sagði Björn Daníel Sverrisson fyrirliði FH um tilfinninguna á vellinum eftir 2-1 sigur FH á Gróttu fyrr í kvöld.
Sagði Björn Daníel Sverrisson fyrirliði FH um tilfinninguna á vellinum eftir 2-1 sigur FH á Gróttu fyrr í kvöld.
Lestu um leikinn: FH 2 - 1 Grótta
FH liðið virkaði á köflum kærulaust í uppspili sínu í leiknum. Er Björn sammála því?
„Ég get vel trúað því að það hafi virkað þannig. Í stöðunni 2-1 fáum við hraðaupphlaup 3 á 1 og og Danni kemst í fínt færi. Mér fannst við eiga að klára leikinn þegar við fengum færi til þess. Sérstaklega á heimavelli við eigum að vera miklu meira effektívir þegar við komumst inní teig andstæðingana en það var ekki þannig í dag.“
Björn var auðsjáanlega þreyttur eftir leikinn og eflaust feginn að sleppa með stigin þrjú.
„Sleppa með það. Við unnum leikinn og tökum stigin þrjú.
Þetta var mikilvægur sigur í ljósi þess að við nálgumst liðin fyrir ofan okkur. Við eigum alltaf einn leik inni á þau þannig að það var mikilvægt að taka þennan leik og koma okkur nær þessum liðum í toppbaráttunni. “
Sagði Björn Daníel en allt viðtalið má sjá hér að ofan.
Athugasemdir