ÍA 1-1 Víkingur
1-0 Viktor Jónsson ('66 )
1-1 Nikolaj Hansen ('90 )
ÍA fékk Víking í heimsókn í Akraneshöllina í kvöld í fjórðu umferð Lengjubikarsins. Fyrir leikinn var ÍA í 2. sæti með sex stig en Víkingur í 4. sæti með fimm stig.
Það var markalaust í hálfleik en heimamenn komust yfir þegar Viktor Jónsson kom boltanum í netið eftir góða fyrirgjöf.
Það var ekki fyrr en á lokamínútu venjulegs leiktíma þegar Nikolaj Hansen jafnaði metin þegar hann skallaði boltann í netið eftir fyrirgjöf frá Karli Friðleifi Gunnarssyni.
Víkingur komst í álitlegt færi á lokasekúndum leiksins en Skagamönnum tókst að koma boltanum frá eftir smá klafs inn á teignum og jafntefli niðurstaðan.
ÍA er því komið á toppinn og Víkingur fer uppfyrir Leikni í 3. sætið í bili að minnsta kosti.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍA | 5 | 3 | 1 | 1 | 15 - 6 | +9 | 10 |
| 2. KA | 5 | 3 | 1 | 1 | 11 - 6 | +5 | 10 |
| 3. Víkingur R. | 5 | 2 | 3 | 0 | 14 - 6 | +8 | 9 |
| 4. Afturelding | 5 | 2 | 1 | 2 | 16 - 14 | +2 | 7 |
| 5. Leiknir R. | 5 | 1 | 2 | 2 | 12 - 11 | +1 | 5 |
| 6. Dalvík/Reynir | 5 | 0 | 0 | 5 | 1 - 26 | -25 | 0 |
