Brynjar Björn Gunnarsson og hans menn í HK þurftu að sætta sig við skell gegn Val á heimavelli í kvöld. 4-0 tap niðurstaðan en Valsmenn voru komnir í 3-0 eftir hálftíma leik.
Til að gera vonda sögu enn verri þá fékk Leifur Andri Leifsson rautt spjald í aðdraganda þriðja mark Vals og því var síðasti klukkutími leiksins fyrir HK erfiður. Þeir gerðu þó vel og geta borið höfuðið hátt með karakterinn sem liðið bauð uppá eftir þriðja mark Vals.
Til að gera vonda sögu enn verri þá fékk Leifur Andri Leifsson rautt spjald í aðdraganda þriðja mark Vals og því var síðasti klukkutími leiksins fyrir HK erfiður. Þeir gerðu þó vel og geta borið höfuðið hátt með karakterinn sem liðið bauð uppá eftir þriðja mark Vals.
Lestu um leikinn: HK 0 - 4 Valur
„Við erum búnir að tapa leiknum í hálfleik. Við komum ágætlega út í seinni hálfleik og við reynum. Það var það sem við töluðum um í hálfleik. Við vorum þrír á miðjunni sem er mikil vinna og mikil hlaup. Menn skiluðu því ágætlega. Við reyndum að hafa tvo frammi sem gekk að einhverjuleyti til að setja pressu á þeirra öftustu menn," sagði Brynjar Björn og hélt áfram.
„Niðurstaðan er engu að síður 4-0 tap og við verðum að taka það á kinnina í dag og halda áfram næstu vikur."
Jón Arnar Barðdal leikmaður HK sem fór á kostum í 3-0 sigri HK gegn KR í síðustu umferð var fjarri góðu gamni í kvöld. Jón Arnar er kominn í sóttkví. Brynjar Björn þurfti því að gera breytingu á liði sínum í hádeginu í dag.
„Þetta truflaði okkur ekki, nema að því leyti að við þurftum að gera breytingu á liðinu í hádeginu í dag. Stefan Ljubicic kom inn í byrjunarliðið og það hefði verið hægt að koma inn í auðveldari leik og sýna sitt rétta andlit. Við vorum komnir með Jón Arnar inní byrjunarliðið með ákveðinn rythma og við kannski töpuðum því aðeins, en akkúrat þessi umræða útskýrir ekki tapið í dag."
