Hoffenheim 1 - 3 Borussia Dortmund
0-1 Niclas Fullkrug ('18)
1-1 Andrej Kramaric ('25, víti)
1-2 Marco Reus ('45)
1-3 Julian Ryerson ('95)
Rautt spjald: Ramy Bensebaini, Dortmund ('71)
Hoffenheim og Borussia Dortmund áttust við í fyrsta leik helgarinnar í þýska boltanum og tóku gestirnir frá Dortmund forystuna á átjándu mínútu þegar Niclas Füllkrug skoraði eftir slakan varnarleik heimamanna.
Andrej Kramaric jafnaði þó skömmu síðar með marki úr vítaspyrnu eftir misheppnaða tæklingu Mats Hummels á vítateigslínunni. Dómari leiksins ætlaði upprunalega að dæma aukaspyrnu en benti á vítapunktinn eftir að hafa fengið orð í eyra, þar sem ekki var ljóst hvort brotið hafi átt sér stað fyrir innan eða utan vítateigsins.
Það ríkti þokkalegt jafnræði með liðunum út fyrri hálfleikinn en Hoffenheim virkaði þó beittari í sínum sóknaraðgerðum. Þrátt fyrir það tókst Dortmund að taka forystuna aftur fyrir leikhlé, í þetta sinn var kempan Marco Reus á ferðinni. Hann var réttur maður á réttum stað þegar boltinn datt fyrir hann innan vítateigs og skoraði af stuttu færi.
Hoffenheim skapaði sér hættuleg færi í síðari hálfleik en tókst ekki að jafna þrátt fyrir að spila síðustu 25 mínúturnar leikmanni fleiri eftir að Ramy Bensebaini var rekinn af velli með tvö gul spjöld.
Hoffenheim lagði allt í sóknarleikinn undir lokin og refsuðu gestirnir frá Dortmund með marki seint í uppbótartíma.
Lokatölur 1-3 og er Dortmund á toppi þýsku deildarinnar sem stendur, með 14 stig eftir 8 umferðir. Hoffenheim hefur einnig farið vel af stað og er tveimur stigum á eftir Dortmund.
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 32 | 23 | 7 | 2 | 93 | 32 | +61 | 76 |
| 2 | Leverkusen | 32 | 19 | 11 | 2 | 68 | 37 | +31 | 68 |
| 3 | Eintracht Frankfurt | 32 | 16 | 8 | 8 | 63 | 43 | +20 | 56 |
| 4 | Freiburg | 32 | 15 | 7 | 10 | 46 | 49 | -3 | 52 |
| 5 | Dortmund | 32 | 15 | 6 | 11 | 64 | 49 | +15 | 51 |
| 6 | RB Leipzig | 32 | 13 | 11 | 8 | 51 | 45 | +6 | 50 |
| 7 | Mainz | 32 | 13 | 9 | 10 | 49 | 40 | +9 | 48 |
| 8 | Werder | 32 | 13 | 8 | 11 | 50 | 56 | -6 | 47 |
| 9 | Gladbach | 32 | 13 | 6 | 13 | 55 | 54 | +1 | 45 |
| 10 | Stuttgart | 32 | 12 | 8 | 12 | 57 | 51 | +6 | 44 |
| 11 | Augsburg | 32 | 11 | 10 | 11 | 34 | 45 | -11 | 43 |
| 12 | Wolfsburg | 32 | 10 | 9 | 13 | 53 | 52 | +1 | 39 |
| 13 | Union Berlin | 32 | 9 | 10 | 13 | 33 | 47 | -14 | 37 |
| 14 | St. Pauli | 32 | 8 | 7 | 17 | 26 | 37 | -11 | 31 |
| 15 | Hoffenheim | 32 | 7 | 10 | 15 | 44 | 62 | -18 | 31 |
| 16 | Heidenheim | 32 | 7 | 5 | 20 | 33 | 60 | -27 | 26 |
| 17 | Holstein Kiel | 32 | 6 | 7 | 19 | 48 | 75 | -27 | 25 |
| 18 | Bochum | 32 | 5 | 7 | 20 | 30 | 63 | -33 | 22 |
