Hollendingur dæmir stórleik Póllands og Argentínu

Hollendingurinn Danny Makkelie mun dæma stórleik Póllands og Argentínu í lokaumferð C-riðils á morgun. Makkelie er meðal bestu dómara heims og dæmdi stórleik Spánar og Þýskalands á sunnudaginn.

Ef lið frá sitthvorri heimsálfunni hafa mæst á HM hefur FIFA hingað til látið dómara frá annarri heimsálfu dæma þann leik. En nú er vikið frá þeirri reglu.

Makkelie, sem er fyrrum lögreglumaður, er talinn eiga góða möguleika á að dæma úrslitaleik HM