Fótbolti.net

3-0 yfir en samt hundleiðinlegur hálfleikur - „Sóknarleikurinn er ekkert frábær"

Halli: Þýðir ekki að leggjast niður og grenja

Hemmi: Það langaði öllum í þennan sigur

Ekki áhyggjufullur þrátt fyrir níu leiki í röð án sigurs

Jói B: Mér er nákvæmlega sama hvað þér finnst um það

„Leið aðeins betur þegar ég sé besta leikmann heims klúðra eins færi"

„Ef ég hefði ekki trú á því að við gætum snúið þessu við saman þá væri ég ekki hérna"

Gunnar Már hefur miklar áhyggjur en gagnrýnir ÍR - „Spila drepleiðinlegan fótbolta"

Glódís: Maður segir þetta oft eftir leiki og oft er það algjört rugl

Pirraði stærstu stjörnu Norðmanna - „Hún bauð svolítið upp á þetta"

Siggi Höskulds: Vorum ægilegir á breikinu

Árni Guðna: Ömurleg frammistaða

Gargað á Cecilíu í miðju viðtali - „Mér heyrist þetta vera Íslendingar"

Sveindís: Finnst eiginlega bara heimskulegt að ég hafi gert þetta

Alex Þór: „Steven Caulker? - Þetta hefur skautað framhjá manni"

Stjarnan aðeins 26% með boltann - „Að einhverju leyti óborguð yfirvinna"

„Sorglegt að fá á sig fjögur mörk gegn Stjörnuliði sem spilaði ekki betur en raun bar vitni"

Túfa: Að mínu mati besti leikmaður deildarinnar

Sverrir Páll: Við getum stigið upp og skorað mörkin

Láki fann fyrir létti: Vicente breytti leiknum

fös 30. maí 2025 22:09

Sæbjörn Þór Þórbergsson Steinke

3-0 yfir en samt hundleiðinlegur hálfleikur - „Sóknarleikurinn er ekkert frábær"

Halli í viðtali.

Mynd: Fótbolti.net - Hafliði Breiðfjörð

Skorað sautján mörk í leikjunum fimm.

Mynd: Fótbolti.net - Hafliði Breiðfjörð

„Þetta var virkilega öflug frammistaða á sterku liði á erfiðum útivelli, þannig ég er hæstánægður," segir Haraldur Árni Hróðmarsson, þjálfari Grindavíkur, eftir öruggan útisigur gegn Leikni í Lengjudeildinni í kvöld.

„Þetta var lygileg byrjun, mér fannst við fara svolítið inn í skelina í kjölfarið en náum vopnum okkar aftur í seinni hálfleik og gerum mjög vel."

Lestu um leikinn: Leiknir R. 2 - 6 Grindavík

Þrátt fyrir stórsigur var ýmislegt sem Halli var ekki sáttur við í leik síns liðs.

„Þrátt fyrir að vera 3-0 yfir fannst mér fyrri hálfleikurinn hundleiðinlegur. Bæði lið voru svolítið slegin eftir þessa byrjun og lítið sem gerðist. Við vorum hæstánægðir að múra fyrir markið og láta þá ráðast á okkur. Seinni hálfleikurinn var vonandi meiri skemmtun fyrir áhorfendur."

Grindavík hefur skorað liða mest í deildinni, en þrátt fyrir það er Halli gagnrýnin á sóknarleik liðsins.

„Sóknarleikurinn er nefnilega ekkert frábær, við erum bara með ótrúlega góða menn og við klárum færin okkar lygilega. Við getum orðið töluvert betra sóknarlið. Við höfum fengið á okkur mikið af mörkum og höfum því þurft að opna okkur og sækja. Ég er með ofboðslega góða leikmenn, menn sem skapa færi nánast upp úr engu og klára færin sín. Það er lykillinn."

Þjálfarinn var ekki sáttur með annað mark Leiknis sem kom undir lok leiksins. Hann segir að það gerist stundum þegar annað liðið er mikið undir í leikjum þá líti dómararnir stundum framhjá ýmsum atvikum. „Það var bara brot í þessu marki og á aldrei að standa. Ég ákvað samt frekar að skamma leikmennina mína frekar en dómarana, við þurfum að verjast betur. Við getum orðið miklu betri."

Viðtalið við Halla er talsvert lengra og má sjá það í heild sinni í spilaranum efst.

Lið	L	U	J	T	Mörk	mun	Stig
1. Njarðvík	5	3	2	0	14 - 4	+10	11
2. ÍR	5	3	2	0	8 - 2	+6	11
3. Þór	5	3	1	1	15 - 10	+5	10
4. Þróttur R.	5	3	1	1	10 - 7	+3	10
5. Keflavík	5	3	0	2	13 - 7	+6	9
6. HK	5	2	2	1	7 - 5	+2	8
7. Grindavík	5	2	1	2	17 - 13	+4	7
8. Völsungur	5	2	0	3	6 - 12	-6	6
9. Fylkir	5	1	2	2	6 - 8	-2	5
10. Selfoss	5	1	0	4	3 - 11	-8	3
11. Fjölnir	5	0	2	3	6 - 12	-6	2
12. Leiknir R.	5	0	1	4	4 - 18	-14	1