Arnaud Kalimuendo skoraði fyrir Frakka
Þá er það ljóst hvaða þjóðir eru komnar áfram í 8-liða úrslit Ólympíuleikanna karlamegin.
Frakkar unnu sannfærandi 3-0 sigur á Nýja-Sjálandi í A-riðli. Jean-Philippe Mateta, Desire Doue og Arnaud Kalimuendo skoruðu mörk Frakka í sigri sem hefði getað verið töluvert stærri.
Heimamenn áttu 32 skottilraunir í leiknum en aðeins tíu á rammann.
Bandaríkin unnu 3-0 sigur á Gíneu. Djordje Mihailovic skoraði fyrsta markið og þá gerði Kevin Paredes tvö. Frakkar og Bandaríkjamenn fara upp úr A-riðlinum en Frakkar kláruðu riðilinn með fullt hús stiga á meðan Bandaríkin fékk sex stig.
Japan og Paragvæ fara upp úr D-riðli. Japan vann Ísrael, 1-0, en markið gerði Mao Hosoya í uppbótartíma síðari hálfleiks. Paragvæ fer áfram með Japan eftir að hafa unni 1-0 sigur á Malí. Marcelo Fernandez gerði sigurmarkið.
Japan hafnaði í efsta sæti með 9 stig og Paragvæ í öðru með 6 stig.
Það er allt klárt fyrir 8-liða úrslitin. Stórleikurinn er leikur Frakklands og Argentínu, en A-landsliðin mættust einmitt í úrslitaleik HM í Katar fyrir tveimur árum.
8-liða úrslitin
Marokkó - Bandaríkin
Japan - Spánn
Egyptaland - Paragvæ
Frakkland - Argentína
Leikirnir fara fram föstudaginn 2. ágúst.
Athugasemdir
